Atuagaateqarfimmi qarasaasiaq nutaaq Atuagaateqarfimmi qarasaasiaq nutaaq

2018-imi januaarip naanerani Nunatta Atuagaateqarfiani Groenlandicamilu suliaq annertooq aallartissaaq atuagaateqarfinni qarasaasiat atorneqartut nutaanik taarserlugit Cicero LMS-imut nuunneqassammata.

Uani atuaqqigit: https://da.systematic.com/library-learning/nyheder/2017/groenland-koeber-bibliotekssystem-fra-systematic/

Angalanermi ullorsiutit Angalanermi ullorsiutit
Samuel Petrus Kleinschmidt (1814-1886) immaqa nunatsinni ajoqersuiartortitatut aammalu oqaatsinik ilisimatuutut ilisimaneqarneruvoq. Qatanngutigiinniani ajoqersuiartortitap erneraa taamaattumik meeraallunili kalaallisut oqaaseqartuuvoq.
Samuel Kleinschmidt aammattaaq pinngortitamik ilisimatusarnermik soqutiginnittorujussuuvoq. Nammineerluni silamik misissuisarpoq aammalu DMI-p silamut misissuutaanut pisortanngorluni. (Danmarks Meteorologisk Institut).
Kleinschmidt Kalaallit Nunaata kitaani nunanik sinerissamiittunik uuttortaallunilu titartaasarpoq. Tupinnarluinnarpoq nunanik uuttortaasarsimaneri qanoq eqqortigimmata. Kleinschmidtip uuttortagaasa takutippaa  Kalaallit Nunaanni nuna allanngoriartorsimagaluaqisoq taamaattoq uuttortaariaaseq ullutsinni taannaaginnarsimasoq. 
Samuel Kleinschmidtip angalanermini ullorsiutai silap qanoq inneranik allattugaatai aammalu nunanik uuttortartagai Groenlandicamut, Nunarput Inuilu Pillugit Atuagaateqarfiusumut,  pigisassanngorlugit Københavnimi Det Kongelige Bibliotekimiit digitalisererneqarsimapput Arctic Imaginationeqarneranut atatillugu.
Angalasarnermi ullorsiutit Groenlandicap nittartagaani takukkit.
                                                                                                                                    

 

Oqaluttuat kalaallisuut Oqaluttuat kalaallisuut

Una qisummut kigartugaq tupinnartoq annikitsuararpassuarnillu ilalik Aqissiaq pillugu oqaluttuamut assiliartaliussaavoq. Kalaallit oqaluttuariaasiat oqaasiinnartigut oqaluttuariaatsimik kinguaariinnit kinguaariinnut ingerlateqqinneqartarsimasumik tunngaveqarpoq, tassa suli kalaallisut allattaaseqanngikkallarmat.

1800-kkunni Inuit inooriaasiannik silarsuarmioqataasut ilisimasakeqaat. Kisianni angutit eqeersimaartut pingasut kalaallit nammineq allallugit pigisimasaat oqaluttuaatit katersorlugit aallartipput taamaalillutillu nuna nunarsuup avannarpiarsuaniittoq ammaallugu. 

Pilersaarut H.J. Rinkip (1819-1893), palasi Peter Kraghip (1794-1883) Vittus Steenholdtillu (1808-1862) aallartitaat arlalitsigut imaannaanngitsuuvoq ; Kalaallit nammineerlutik oqaluttuat kalaallisut allattarpaat – aammalu taakku tuniseqataalluarput. Pingajoqqat oqaluttuanik pissarsingaaramik atuakkanut sisamanut naammattunik pissarsipput. 
Kalaallit seminariami atuartut oqaluttuat allaqqissaarpaat, Rasmus Berthelsenip (1827-1901) qallunaatut nutserpai aammalu nunaqqataasoq eqqumiitsuliortoq Aalut Kangermiu (1822-1869) titartagartalersuivoq.

Atuagaq kalaallisooq siulleq 1859-imi naqiterneqarpoq taaguuteqarluni: ”Kaladlit oKalluKtualliait: Kalâdlisut kablunâtudlo / Grønlandske folkesagn: opskrevne og meddeelte af indfødte”. Atuakkat sisamaat 1865-imi saqqummerpoq. 
Qisummut kigartukkami Aqissiap nunaqarfini qimanngikkallarmagu nunaqqatai puisimik kiffiakkamik arsalerlutik arsaattut takuneqarsinnaapput.

M/S Hans Hedtoft M/S Hans Hedtoft

Umiarsuup M/S  Hans Hedtoftip januaarip 30-anni 1959-imi umiiarnera kalaallit
– qallunaallu oqaluttuarisaaneranni alianartut annersaasa ilagaat.

Umiiarnermi annattoqanngilaq. Annanniut puttaqut Islandimi sissanut tipisoq tassaavoq umiarsuup pisataanik kisiartangajaalluinnarluni nanineqartoq. Ukiut ingerlanerini ujaasineqartaraluartoq umiiarneq suli nanineqanngilaq.

Ajunaarneq tamanna 1959-imi pisimasoq ulloq manna tikillugu ilaqutaasuni misigisaq suli eqqaamaneqartuarpoq.

Groenlandicami M/S Hans Hedtoftip umiuneranut  atatillugu allaatigisat katersorlugit nalunaarsorlugillu ingerlanneqarput.

Katersat pigineqartut nunani assigiinngitsuni aviisitigut allaatigisaanerupput, amerlanerit Danmarkimeersut. Immaqa allaat nunarsuarmi ujarlerfissiat katersorneqarsimasut annerpaartarilersinnaavaat suut tamarmik nalunaarsorneqareerpata.

Groenlandicap nittartagaatigut takuuk M/S Hans Hedtoft pillugu web-ikkut saqqummersitsineq.

.   
  (
http://www.ferlir.is/?id=18409)                                         
Greenlandic Greenlandic Dansk Dansk English English
Tussiarfissuaq Tussiarfissuaq

Maajip aallaqqaataani Maajip aallaqqaataani

Arctic Imagination Arctic Imagination

Pilersaarut ”Arctic Imagination” ("Issittumik takorluugaq”) Nuummi perngaammik saqqummiunneqarmat qangaanerusoq nunatsinni inooriaasiusoq takutinniarneqarpoq – piniartutut inuuneq aammalu silaannaap kissatsikkiartorneratigut sikuerukkiartorneratigullu piniartutut inuuniuteqarnermut sunniutaasut ilanngullugit.

Ukiut 100-it matuma siornatigut imaakkaluarpoq Issittoq Qalasersuarlu tassaasut sumiiffiit ingerlavissaanngitsut, inuunermik navianartorsiorfiusut aammalu tupinnartullit akisussaassuseqarnissatsinnik  illersuisinnaanitsinnillu atorfissaqartitsisut ilaatigut soorlu avatangiisinut tunngasutigut iliuuseqarnikkut. Atuagaateqarfissuit tallimat New Yorkimi, Københavnimi, Stockholmimi , Oslomi Nuummilu
2017-imi suleqatigiissutigaat asseqanngitsoq ”Arctic Imagination” nutaaliorumatuut, eqqumiitsuliortut allallu allanik uummammioqartut saqqummiussiffigisinnaasaat – oqaatsitigut takussaasunillu saqqummiinikkut.

Pilersaarut pillugu atuaqqissinnaavutit uani www.arcticimagination.com

Ammasarfiit Ammasarfiit
Ataasinngorneq Marlunngorneq Pingasunngorneq Sisamanngorneq Tallimanngorneq Arfininngorneq
10-15 11-16 13-17 11-16 10-15 11-14

 

Atuagaateqarfik matoqqasarpoq: 

Sapaammi nalliuttunilu aamma
Påskip arfininngornerani
Inuiattut nalliuttorsiornermi 21. juni
Decembarip 24-anni
Decembarip 31-anni  

 

Atuagaateqarfiit allat:

Nunatta Atuagaateqarfia
Eskimoslottet - ataatsimut atuagaateqarfik Ilinniarfissuarmut GU-mullu
Peqqissaanermik Ilinniarfiup atuagaateqarfia (Qallunaatut)

Facebookimut alakkartigut
Facebookimut alakkartigut

 Groenlandica - Ilimmarfik - Manutooq 1 Box 1074 - 3900 Nuuk - groenlandica@katak.gl - © 2013-